Anthus Media 🕊

✝️ இயேசுவின் திருப்பரிசுத்த இரத்த ஜெபமாலை ✝️ தொடக்க ஜெபம். அன்பான விண்ணகத் தந்தையே, உமது அன்பு மகனாகிய இயேசு கிறிஸ்துவின் திருப்பரிசுத்த இரத்தத்தின் வல்லமையில் நம்பிக்கை வைத்து இந்த ஜெபமாலையைத் தொடங்குகிறோம். ஆண்டவரே, எங்கள் உடல், உள்ளம், ஆன்மா ஆகிய அனைத்தையும் உமது திருப்பரிசுத்த இரத்தத்தால் கழுவித் தூய்மைப்படுத்தும். எங்களுடைய நோய்கள், துன்பங்கள், கவலைகள், பயங்கள் அனைத்திலிருந்தும் எங்களை விடுவித்து, உமது பரிசுத்த சித்தத்தின்படி குணத்தையும் சமாதானத்தையும் அருளும். விண்ணகத் தந்தையே, எங்களை ஆசீர்வதியும். இயேசுவே, எங்களை மன்னியும். தூய ஆவியே, எங்களை நிரப்பும். அன்னை மரியே, எங்களுக்காக வேண்டிக்கொள்ளும். இந்த 50 மணி ஜெபமாலையை உமது திருப்பெயரின் மகிமைக்காகவும், நோயுற்ற அனைவரின் குணத்திற்காகவும், எங்கள் குடும்பங்களின் நலனுக்காகவும் அர்ப்பணிக்கிறோம். ஆமென். ஆரம்பம்... விசுவாச அறிக்கை... இயேசு கற்பித்த செபம். -1 மங்கள வார்த்தை செபம். - 3  தந்தைக்கும் மகனுக்கும் தூய ஆவியாருக்கும் மாட்சியும் உண்டாகுக. 🔴 ஒவ்வொரு மணியிலும் வழிநடத்துபவர்: இயேசுவின் திரு பரிசுத்த ரத்தமே ! அனைவரும்:...

✝️ இயேசுவின் திருச்சிலுவை ஜெபம் தந்தை, மகன், தூய ஆவியின் பெயராலே. ஆமென். விசுவாசப் பிரமாணம் விண்ணகத் தந்தை ஜெபம் அருள் நிறைந்த மரியே வாழ்க 🌿 தொடக்க ஜெபம் அன்பான இயேசுவே, உமது திருச்சிலுவையின் வல்லமையையும், உமது அளவற்ற இரக்கத்தையும் நம்பி, இந்த ஜெபத்தைத் தாழ்மையுடன் உமக்கு ஒப்புக்கொடுக்கிறோம். எங்கள் பாவங்களை மன்னித்தருளும். எங்கள் நோய்களைக் குணமாக்கியருளும். எங்கள் குடும்பத்தினரை எல்லாத் தீமைகளிலிருந்தும் காத்தருளும். எங்கள் இல்லத்தில் அமைதியும், அன்பும், ஒற்றுமையும் நிறைந்திருக்க அருள்புரியும். எங்கள் வேண்டுதல்களை உமது திருவுளத்தின்படி ஏற்றுக்கொண்டு நிறைவேற்றியருளும். ஆமென். ✝️ முதல் வேண்டுதல் — பாவமன்னிப்பிற்காக இயேசுவின் திருச்சிலுவையே! பதில்: எங்கள் பாவங்களை மன்னித்தருளும். (இதை 33 முறை சொல்லவும்.) எங்கள் பாவங்களையும் குற்றங்களையும் மன்னித்தருளும். எங்கள் மனந்திரும்புதலை ஏற்றுக்கொண்டருளும். உமது இரக்கத்தால் எங்களைத் தூய்மைப்படுத்தும். பாவத்தின் அடிமைத்தனத்திலிருந்து எங்களை விடுவித்தருளும். உமது அருளில் நிலைத்திருக்க எங்களுக்கு உதவியருளும். ...

12 ஆகஸ்ட் 2026 — புதன்கிழமை பொதுக்காலம் 19-ஆம் வாரம் முதல் வாசகம் நெற்றியில் அடையாளம் இடப்பட்ட மனிதர்கள் அழிய மாட்டார்கள். எசேக்கியேல் இறைவாக்கினர் நூலிலிருந்து வாசகம் 9: 1-7; 10: 18-22 அந்நாட்களில், ஆண்டவர் உரத்த குரலில், "நகரைத் தண்டிப்போர் கையில் அழிவுக்கான ஆயுதங்களோடு வரட்டும்" என்று கத்துவதைக் கேட்டேன். உடனே, மேல் வாயிலின் வழியாய் ஆறு மனிதர்கள் வந்தனர்; ஒவ்வொருவர் கையிலும் சாகடிக்கும் ஆயுதம் இருந்தது. அவர்களிடையே சணல் ஆடை அணிந்த மனிதர் ஒருவர் இருந்தார். அவரிடம் எழுதுகோல் கூடும் மையினையும் இருந்தன. அவர்கள் வந்து வெண்கலப் பலிபீடத்தின் அருகில் நின்றார்கள். இஸ்ரயேலின் கடவுளது மாட்சி, தான் வீற்றிருந்த கேருப்களினின்று எழுந்து, கோவிலின் வாசல் படியை நோக்கி நகர்ந்தது. ஆண்டவர் சணல் ஆடை அணிந்து, எழுதுகோல் கூடும் மையினையும் வைத்திருந்த நபரை அழைத்தார். ஆண்டவர் அவரிடம், "நீ எருசலேம் நகரின் நடுவே சென்று, அங்கு நடக்கும் அருவருக்கத்தக்கச் செயல்களையெல்லாம் குறித்துப் பெருமூச்சு விட்டுப் புலம்பும் மனிதர்களின் நெற்றியில் அடையாளம் ஒன்று இட...

08 ஆகஸ்ட் 2026, சனி பொதுக்காலம் 18ஆம் வாரம் - சனி. முதல் வாசகம் நேர்மையுடையவரோ தம் நம்பிக்கையினால் வாழ்வடைவர். இறைவாக்கினர் அபக்கூக்கு நூலிலிருந்து வாசகம் 1: 12- 2: 4 ஆண்டவரே, என் கடவுளே, என் தூயவரே, தொன்றுதொட்டே இருப்பவர் நீர் அல்லவா? நீர் சாவைக் காண்பதில்லை; ஆண்டவரே, அவர்களை எங்கள் தண்டனைத் தீர்ப்பாய் ஏற்படுத்தியவர் நீரே; புகலிடமே, எங்களைச் சாடும் சாட்டையாய் அவர்களை ஆக்கியவரும் நீரே. தீமையைக் காண நாணும் தூய கண்களை உடையவரே, கொடுமையைப் பார்க்கத் தாங்காதவரே, கயவர்களை நீர் ஏன் பார்த்துக்கொண்டே இருக்கிறீர்? பொல்லாதவர் தம்மைவிட நேர்மையாளரை விழுங்கும்போது நீர் ஏன் மௌனமாய் இருக்கின்றீர்? நீர் மானிடரைக் கடல் மீன்கள் போலும் தலைமை இல்லா ஊர்வன போலும் நடத்துகின்றீர். கல்தேய இனத்தார் மற்றெல்லாரையும் தூண்டிலால் பிடிக்கின்றார்கள்; வலையால் வாரி இழுக்கின்றார்கள்; தங்கள் பறியிலே சேர்த்துக்கொண்டு அகமகிழ்ந்து களிப்புறுகின்றார்கள். ஆதலால், தங்கள் வலைக்குப் பலி செலுத்துகின்றார்கள்; பறிக்குத் தூபம் காட்டுகின்றார்கள்; ஏனெனில் அவற்றாலேயே இன்பமான வாழ்வை அடைகின்றா...