Anthus Media 🕊

புனித ஜான் மரிய வியான்னி செபம். நற்கருணையின் முன்னால் செலவிடும் நேரத்தைப் பொன்னான நேரமாகக் கருத வேண்டும் என்று கூறி அவ்வாறே வாழ்ந்தவர் புனித ஜான் மரிய வியான்னி. இறைமக்களுக்கு விண்ணகம் செல்லும் பாதையை காட்டியவர் இவர். நான் குருவானால் கடவுளுக்காக ஏராளமான ஆன்மாக்களை வென்றெடுப்பேன் என்ற கூறியவர் இவர். பங்கு குருக்களின் முன்மாதிரியாக வாழ்ந்த புனித ஜான் மரிய வியான்னி, பிரான்ஸ் நாட்டிலுள்ள லயன்ஸ் நகரில், டார்டிலி என்ற கிராமத்தில் 1786ம் ஆண்டு மே மாதம் 8ம் நாள் பிறந்தார். தமது 13ம் வயதில் நற்கருணை பெற்றுக் கொண்டார். குருவாகப் பணி செய்ய விரும்பினார். இறையியல் படிப்பையும் லயன்ஸ் நகரில் முடித்தார். 1815ம் ஆண்டு ஆகஸ்ட் 13ம் நாள் ஜான் மரிய வியான்னி குருவாகத் திருநிலைப்படுத்தப்பட்டார். ஜான் மரிய வியான்னி ஆர்ஸ் என்ற சிற்றூரின் பங்குத் தந்தையாக நியமிக்கப்பட்டார். ஆர்ஸ் கிராமம் செல்ல வழி தெரியாமல் திகைத்து நின்ற போது ஆடு மேய்க்கும் சிறுவன் ஒருவன் அவருக்கு வழிகாட்டினான். தனக்கு வழிகாட்டிய சிறுவனிடம், ஜான் மரிய வியான்னி, “நீ எனக்கு ஆர்ஸ் கிராமத்திற்கு வழிகாட்டினாய். நான் உனக்கு விண்ணகத்திற்கு...